كل عام وانتم بخير
يعني
كل سنة وانتوا طيبين
وللموبايلات شاحنين
وللشبكة لاقطين
وللفاتورة دافعين
وللمكالمات مظبطين
وان شاء الله السنة الجايه
تكونوا كلكوا فودافونيين
واحتفالا بالعيد السعيد
وتظبيط التظابيط
المدونة خارج نطاق الخدمة
والمدون فاصل شحن
وبعد العيد
نحكي ونقول
عن خيمة فودافون الخيرية
وحملات الرعاية الصحية
ونحكي عن الجيل التالت
والتالت ونص كمان
ومعاه الجيل الفائت
ونقول اشهر الشكاوي
وسببها من غير حكاوي
ونرجع لعم فودا الكبير
وبنا المدارس والتشجير
وخيمة الايتام في رمضان
ومسابقة الرسم والالوان
ورعاية الاهلي وبطولاته
ومساعدة التلميذ في حياته
ونرجع للمحمول ورسايله
ورناته وصورة وافلامه
يعني كل عيد
والخير يزيد
وكل سنة
والفودافونيين
والموبينيليين
والاتصالاتيين
طيبيين
14 comments:
وكل سنة وأنت طيب يا راجل يا طيب
وانت طيب يا باشا
لا ما انا افهم
انت غسيل السجاجيد بس هو
اللي معلي معاك كدا
ولا انت علشان يعني ما انت
فودافون داخل مهيص
وبتفرس في مخاليق ربنا
وتقولي فارسك في ايه
كل شوية فودافون وسيرة فودافون
مش مراعي خالص ان
في ناس متجرحة
وثكلت فودافونها
كل سنة وانت طيب يا
فودافون
كل سنة وإنت طيب يا محمد
بجد شاعر هايل
همتك بأى بعد العيد إن شاء الله
هنستنى منك شغل أكتر و أشعار أكتر وأكتر
منى
كل سنه وانت طيب
بس ايه ده مفيش عروض من فودافون فى العيد
مش تعرفنا كده ينفع
يعنى مفيش ميت رسالة مجانا ولا متين مكالمة مجانا ولا حاجة كده
ههههههههههه
كل سنه وانت طيب
تحياتى لك
كل سنه وانت طيب يا كبيييير
رنات كتيييير
وهابى نيو يييييير
وحاجات حلوه وطراطيييييير
وبيتى فور وفطيييييير
والاهلي خطيييييير
والريس لسه قدامه كتييييير
---انسان مقيد---
ياباشا
وانت طيب وبالف خير وسلامة
وتنورني دايما
---رئيس جمهورية نفسي---
معالي رئيس الجمهورية
كل عام ومعاليك بخير
---ماعلينا---
معليشي بقا يا ما علينا
اصلي تقلت في السحور حبيتين
فتقلت ودماغي خفت
وبعدين ايه علاقة فودافون بس بالفرسة والهيصة
ما احنا غلبانين اهوه وفي حالنا خالص
دا احنا بنقول كل سنة وانتوا طيبيين
وبعدين انتي بقالك شهر مش بتعملي بوستات ليه
انا عايز الميل بتاعك بالموناسبة
عايز اقدملك عريضة شكوى
بس مش هاتنفع في الكومينتات
وكل سنة وانتي طيبة
ياموبينيليه واتصالاتية كمان
---وحدانية---
ايه بس يامنى شاعر دي
دا كلام
وبعدين انتى هتقارني الكلام بتاعي بالشعر
امال كلامك واشعارك انتي يبقا اسمهم ايه
لا لا
لو ناوية تستني اشعار كتير يبقى هتستني كتير
كل سنة وانتي طيبة
: ) : )
---بوسبوس---
كل سنة وانتي طيبة يا بوس بوس
تصدقي وتؤمني بالله
انا بعرف العروض الجديدة من الناس برا
حتى الاعلانات ساعات بتنزل وتتشال من غير ماشوفها
احنا بيتبعت لينا ايميل بالعروض الجديدة قبل ماتنزل بيوم او اتنين بس الصراحة مش بقراها في ساعتها
بسيبها لغاية ما اروق لها ياما حد يفهمهالي من خدمة العملاء
ع العموم نكلملك عم فودا الكبير يظبطلك 200 ولا 300 دقيقة وصاية
وكل سنة وانتي طيبة
تحياتي
محمد سمير
كل سنة و انت طيب و داخل نطاق الخدمة علطول ههههه.اخيرا لاقيت حد بيحب فودافون اوى كدة.انا كمان فودافون و انا بصمم اعلانات بس على قدى يعنى و معظعم الاعلانات عن فودافون و ان شاء الله حاعمل بوست للصور و تقولى رأيك يا صديقى فى فودافون:)
كل سنة وانت بالف خير
واية ياعم الشعر الجميل دة
وانت طيب يا ابو سمرة
انت فين يا راجل من زمان وفين الخمسة جنيه اللى انا قلتلك عليها تحولهالى
يلا ولا يهمك
فين بقى عروض فودافون الجديده بمناسبة العيد
مفيش كده 15 ساعه مجانية بمناسبة العيد ولا اى منظر
:D
طمنا عليك يا ابو سمرة
سلاموووووز
كل سنه وانت طيب يا محمد يا سمير
وعيد سعيد ياباشا
وعيد سعيد يا فودافونى
وعيد سعيد للكل
وانا فودافون
كل وانت طيب ايها الفودافونى
ههههههه
تحياتى
واحد من معسكر الاعداء
أحمد الصباغ
كل سنه و انت طيب
و عيد سعيد
:))
تحياتى
كل سنة وانتوا طيبين يا جماعة
عيد سعيد عليكوا ان شاء الله ويارب تكون ايامكوا كلها عيد وفرحة وبهجة
بجد باشكر كل الي علق وهناني بالعيد وبرحب بكل اللي بيزورني لاول مرة
اتشرفت بزيارتكم واتمنى انها تتكرر دايما
تحياتي
محمد سمير
Post a Comment